Paalam sa Kawalang Malay
Sa biglang pagbuhos ng ulang malakas
Waring may nag-uutos sakin na akoy lumabas
Sabi nga'y ang nakaraan ay bahagi ng lumipas
Tulad ng kamusmusan na kailangan ko ng takasan
Siguro nga'y tapos na ang isang yugto
Nang nakaraang buhay kong ginugol lamang sa laro
Ngayo'y kailangan ng unti-unting buksan ang pinto
At pasukin ang kasalukuyang akin ngayo'y tinatagpo
Kahit ayaw ko'y kailangan ng limitahan
Ang matinding halakhakan kahit nasa tabi ng daan
Dati'y lolipop ang hawak, ngayo'y librong susi sa kaalaman
Ngayo'y nandito na'ko sa realidad na kailangan kalimutan ang laruan
Sadyang gayon nga siguro ang buhay
Kailangang maging mulat para magtagumpay
Ang patuloy na paglaban sa pagsubok ay siyang magpapatunay
Sa paninindigan kong PAALAM NA SA KAWALANG MALAY.
Thursday, September 22, 2011
Posted by judyloupgutierrez at 2:34 AM
Subscribe to:
Post Comments (Atom)
0 comments:
Post a Comment